Гурт Sciana утвораны ў 1999 годзе ў Берасьці.

Стыль - альтэрнатыўны рок

Павал Прохараў - гітара-вакал

Андрэй Клімус - бас

Яўген Лук'янчык - саксафон

Гурт "Sciana" ўтварыўся ў 1999 годзе. Афіцыйны дзень з'яўленьня на сьвет – 1 жніўня. У той час калектыў ўяўляў сабой хлопчыкаў па 15-16 гадоў, якія зьбіраліся ў прыватным гаражы агульнай сяброўкі і каўбасілі нешта кшталту панк-року. Зразумела, на бог ведае якім апараце, даводзілася і шнуры самім папаяць. Але калі ты малады і ўвесь сьвет яшчэ ляжыць перад табой – гэта дробязі. Заснавальнікам гурта лічыцца барабаншчык Аляксей Кузьняцоў. Менавіта ён сабраў усіх разам і запаліў ідэяй сумеснай працы. Ад самага пачатку ў гурце былі яшчэ гітарыст Павел

 Прохараў і басіст Андрэй Клімус. Прыкладна ў гэты ж час – 2001 год – у музыцы “Sciana” з’яўляецца саксафон. Менавіта спалучэньне жорсткага гітарнага драйву і мелёдыкі саксафону хутка стане галоўнай адметнасьцю гурта. «Сэнс нашае творчасьцi – у пошуку, у пошуку новага, незвычайнага, у няспынным руху наперад,»-- гэтыя словы сталi агульным credo для гурта. Завершаны ў тым жа 2002-iм годзе альбом «Рыфмы лёсаў» стаў першым паўнавартасным запiсам, які выйшаў на ўсю краіну ў менскім выдавецтве "Limas". Зараз у планах "Sciana" – запіс альбому, які павінен з'яві? ?ца цягам некалькіх месяцаў. І, безумоўна, пошук новага, рух наперад, далучыцца да якога мы прапануем кожнаму – праз нашую творчасьць.